ಕನಸಿನ ಲೋಕದಲಿ ಬಂದ ಕನ್ಯೆಯ ಮುದ್ದು ಮುಖದ ನೆನಪು ಮಾಯದೇ ಉಳಿದಾಗ ,ಮನಸಿನ ಮೂಲೆಯಲಿ ಮೂಡಿದ ಸಾಲುಗಳು ...........

ನೀನ್ಯಾರೇ?

ಎಲ್ಲಿರುವೆ ನೀನು? ಹೇಗಿರುವೆ ನೀನು..?

ಪ್ರತಿದಿನವೂ ಸಿಗುವೆ ಕನಸೆಂಬ ಲೋಕದಲಿ,

ಮನಸೆಂಬ ಕನ್ನಡಿಯಲಿ

ಯಾರೆ೦ದು ತಿಳಿಯದು, ಯಾಕೆಂದು ಅರಿಯದು

ಆದರೂ ಗೀಚಿದೆ ಹಲವು ಕವಿತೆಯ ಸಾಲು....

ಮುಂಜಾವಿನ ಮಂಜಿನಲಿ

ಎಲೆ  ಬಿಸಿಲಿನ ಹೊಳಪಿನಲಿ,

ಕೆಂಪಾದ ಕೆನ್ನೆಗಳು, ಅದುರುತಿದ್ದ ಅಧರಗಳು

ತುಟಿಯಂಚಿನಲಿ ಜಾರಿತ್ತು ಮುತ್ತಂತಹ ಮುಗುಳುನಗು

ಅದೇನೋ ಮೋಹ ನಿನ್ನ ನಗುವಿನ ಮೇಲೆ

ಕಣ್ತೆರೆದರೂ  ಮರೆಯದೇ ಉಳಿದಿದೆ  ಹೃದಯದ ಒಳಗೆ

ಹಾಯಾಗಿರುವೆ ನಿನ್ನ ನೆನಪಿನ ಜೊತೆಗೆ

ಆದರೂ ಮನದಲ್ಲೊಂದು ಪ್ರಶ್ನೆ! ನೀನ್ಯಾರೇ.....?