ಮನೆ ತೊರೆಯುತಿಹೆ ನಾನು

ಕರೆಯದೆ ಬಂದ ಅತಿಥಿ ನೀ

ಕಣ್ಣೀರಿಗೆ ಕಾರಣವಾಗಲು

ಮನೆ ತೊರೆಯುತಿಹೆ ನಾನು

ಮನದೊಳಗೆ ಮರುಗುತ

ನೀ ಮಾಯೆಯೋ ಮಾಯೆ ನಿನ್ನೊಳಗೋ

ಮರುಳಾದೆ ನಿನಗೆ ಮನದ ಮೂಲೆಯಲಿ

ಮಾತನಾಡೆಂದರೆ ನೀ ಮೌನಿಯಾದೆ

ಮನದ ಪರದೆಯ ಸರಿಸಿ

ಮನೆಯ ತೊರೆಯುತಿಹೆ ನಾನು

ಹೊಸ ಮನೆಯ ನೆನಯುತ

ಮಾಗಿದ ಮನಕೆ ಮಾಯೆಯನು ಮರೆಯಿಸುವ

ಬಲ ನೀಡೆನುತ ದೇವನ ನೆನೆದು

ಕಣ್ಣಂಚಲ್ಲಿ ಜಾರುವ ಪ್ರತಿಯೊಂದು ಹನಿಯ ಬೆಲೆ ತಿಳಿಯುವುದು

ತಮ್ಮದೇ ಕಣ್ಣಲ್ಲಿ ಕಣ್ಣೀರು ಹರಿದಾಗ ಮಾತ್ರ!!!!

ಪ್ರವಾಹದ ನದೀ ನೀರಂತೆ ಹರಿಯುತ್ತಿದ್ದ ಅವಳ ಕಣ್ಣೀರಲಿ
ಕಾಡಿಗೆಯು ಕದಡಿ ಬಿಳಿಯ ಕೆನ್ನೆಯ ಮೇಲೆ ಕರಿಯ ಬೊಟ್ಟಿಟ್ಟಿತ್ತು,
ಭೋರ್ಗರೆವ ಮಳೆ ಕಳೆದು ತಣ್ಣನೆಯ ತಂಗಾಳಿಗೆ ಮುಂಗುರುಳು ಕಯ್ ಚಾಚಿ ಕಣ್ಣೊರೆಸಿತ್ತು,
ಕರೆಯದೇ ಬಂದ ಕಣ್ಣೀರಿಗೆ ಅರಿಯದೇ ಸಿಕ್ಕ ಸಾಂತ್ವಾನವದು..!!!