ಮಿಥ್ಯೆ

ಮಿಥ್ಯೆಯ ಕತ್ತಲಲ್ಲಿ ಸತ್ತು ಹೋಗದಿರಲಿ ಸತ್ಯ ಮುಖ
ಬದುಕು ಸವೆಸಬೇಕಾದೀತು ಪರದೆಯ ಹಿಂದೆ ಅಪರಿಚಿತನಂತೆ,
ಮನವು ಮಾಯೆಯ ವಶವಾದಂತೆ.
ತಿಳಿದಿದ್ದೂ ಒಂದಿಷ್ಟು ಭಯ
ಎಲ್ಲಿ ಬೆಳಕಿನೆದುರು ಬೆತ್ತಲಾಗುವೆನೆಂದು
ಭುವಿಗೆ ಇಳಿದಾಗಲೇ ಜೊತೆಗಿದ್ದ ವಕ್ರತೆಗಳ ತೆರೆದು.
ಆದರೆ,ಕತ್ತಲಲೇ ಕಳೆಯುವುದು ಎಷ್ಟು ದಿನ?
ನಡೆಯುತಿಹೆ ದೂರದಿ ಮಿನುಗುವ ಬೆಳಕಿನ ಮೂಲ ಹುಡುಕಿ
ಇಷ್ಟೇ ಪ್ರಾರ್ಥನೆ ಆಗದಿರಲಿ ಇದೂ ಕೂಡಾ ಮೊದಲು ದೊರಕಿದ ಮರೀಚಿಕೆಯಂತೆ!